დიდი წნეხის მიუხედავად შენარჩუნებული მშვიდობა და ეკონომიკური წინსვლა ქვეყანაში – მადლობა პრემიერო-თამარ ჩიბურდანიძე

22
spot_img

„ხალხის ძალის“ წევრი, ანალიტიკოსი თამარ ჩიბურდანიძე პრემიერ-მინისტრ ირაკლი ღარიბაშვილის თანამდებობიდან გადადგომას განცხადებით ეხმაურება.

როგორც თამარ ჩიბურდანიძე წერს, ირაკლი ღარიბაშვილის პატრიოტიზმი ხალხის მეხსიერებას ყოველთვის სამაგალითოდ დარჩება.

„ქართული ოცნების“ ოფიციალური განცხადებით, საქართველოს პრემიერ მინისტრი ირაკლი ღარიბაშვილი პარტია „ქართული ოცნების“ თავმჯდომარე გახდება. მჯერა, ღირსეულ პრემიერს კვლავ ღირსეული შეცვლის.

დიდი წნეხის მიუხედავად შენარჩუნებული მშვიდობა და ეკონომიკური წინსვლა ქვეყანაში – მადლობა ამ მიღწევისთვის. ბოლო ორი წლის პროცესები და საქართველოს ხელისუფლების პოლიტიკური სვლები სასწავლო ქეისად გამოდგება სტუდენტებისთვის. ეს იყო მტრული განზრახვით, ხელისუფლების დამარცხების სურვილით, განადგურებისთვის განწირული ქვეყანა და პირიქით, ბრწყინვალე გამარჯვება ამავე მტრულ ბანაკზე.

ირაკლი ღარიბაშვილის პატრიოტიზმი ჩვენს მეხსიერებას ყოველთვის სამაგალითოდ დარჩება. როდესაც სახელმწიფოს მართვაში მთავარი პრინციპი ქვეყნისადმი ერთგულება და ეროვნული ღირებულებებია, ეს ყოველთვის წარმატებულ შედეგს დებს, რისთვისაც ხალხი მადლიერია და დადებითად აფასებს“, – წერს თამარ ჩიბურდანიძე.

ირაკლი ღარიბაშვილმა პრემიერ-მინისტრის თანამდებობა დატოვა. ამის შესახებ მან მთავრობის ადმინისტრაციაში გამართულ ბრიფინგზე განაცხადა. ღარიბაშვილი პრემიერი მეორედ 2021 წელს გახდა. მანამდე ის მთავრობის მეთაურის თანამდებობას 2013-2015 წლებში იკავებდა.

პარლამენტის ვიცე-სპიკერმა, არჩილ თალაკვაძემ დაადასტურა, რომ პრემიერ-მინისტრის თანამდებობაზე ირაკლი კობახიძის კანდიდატურა განიხილება.