“დეკემბერში გვექნება საფუძვლიანი დებატები ევროკავშირის 27 წევრ ქვეყანასთან” – შარლ მიშელი

41
spot_img

დეკემბერში ჩვენ გვექნება საფუძვლიანი დებატები ევროკავშირის 27 წევრ ქვეყანასთან, რათა შევაფასოთ რა გადაწყვეტილებას მივიღებთ უკრაინასთან დაკავშირებით,- ამის შესახებ ევროპული საბჭოს პრეზიდენტმა შარლ მიშელმა განაცხადა, როდესაც მას სთხოვეს შეეფასებინა უნგრეთის პრემიერ-მინისტრის წინადადება, რომ უკრაინის გაწევრიანების მოლაპარაკების დაწყების ნაცვლად ოფიციალური კიევისთვის სტრატეგიული პარტნიორობა შეეთავაზებინათ.

როგორც შარლ მიშელმა აღნიშნა, ევროკავშირს უკვე აქვს უკრაინასთან ასოცირების შეთანხმება.

„ჩვენ უკვე გვაქვს ასოცირების შესახებ შეთანხმება უკრაინასთან, რომელიც გვთავაზობს ბევრ შესაძლებლობას ოფიციალურ კიევთან მჭიდრო თანამშრომლობისთვის. დეკემბერში ჩვენ გვექნება საფუძვლიანი დებატები ევროკავშირის 27 წევრ ქვეყანასთან, რათა შევაფასოთ, რა გადაწყვეტილებას მივიღებთ უკრაინასთან დაკავშირებით“,- განაცხადა შარლ მიშელმა.

ცნობისთვის, უნგრეთის პრემიერ-მინისტრი ვიქტორ ორბანი უკრაინის ევროკავშირში წევრობას არ ეთანხმება. როგორც ის აცხადებს, უკრაინის ევროკავშირში წევრობა ამ მომენტისთვის არ ემთხვევა უნგრეთის ეროვნულ ინტერესებს. ამიტომ პრემიერი ორბანი მიიჩნევს, რომ ოფიციალური კიევისთვის „სტრატეგიული პარტნიორობა“ უნდა იქნეს შეთავაზებული იქამდე სანამ დაიწყება მოლაპარაკებები მის გაწევრიანებასთან დაკავშირებით.