დარწმუნებული ვარ, რომ ის დიალოგი, რომელიც მიმდინარეობს წევრ ქვეყნებს შორის, მათ შორის უნგრეთთან ერთადაც, რათა კვირის ბოლოს გაფართოების პაკეტი იყოს მიღებული, იქნება შედეგიანი, – ამის შესახებ ჟურნალისტებს საგარეო საქმეთა მინისტრმა, ილია დარჩიაშვილმა განუცხადა.
„მე არ მინდა ნეგატიურ სცენარზე საუბარი, ერთი რამის თქმა შემიძლია – უნგრეთი მყარად უჭერს მხარს საქართველოსთვუს კანდიდატის სტატუსის მინიჭებას. ეს გზავნილი არაერთხელ მიგვიღია და დღესაც მივიღეთ. ეს არის ოჯახი, 27 ქვეყნისგან შემდგარი გაერთიანება, და მე დარწმუნებული ვარ, რომ ის დიალოგი, რომელიც მიმდინარეობს წევრ ქვეყნებს შორის, მათ შორის უნგრეთთან ერთადაც, რათა კვირის ბოლოს გაფართოების პაკეტი იყოს მიღებული, იქნება შედეგიანი. მინდა ვთქვა, რომ ძალიან აქტიური დიალოგი და რთული მოლაპარაკებები მიდის წევრ ქვეყნებს შორის და დარწმუნებული ვარ, რომ ჩვენ კვირის ბოლოსთვის ვნახავთ კონკრეტულ შედეგებს. ჩვენი ჭრილიდან ყველაზე მნიშვნელოვანია – გვაქვს მოლოდინი, რომ საქართველო დამსახურებულ კანდიდატის სტატუსს მიიღებს“, – აღნიშნა ილია დარჩიაშვილმა.
