“ჩვენი მიზანია შეიქმნას ევროკავშირის სია, ოთხოზორია-ტატუნაშვილის სიის მსგავსი ჩამონათვალი, რომელიც სანქციების დაწესებაში დაგვეხმარება”

63
spot_img

დიდი მადლობა საქართველოს ნამდვილ მეგობრებს შესანიშნავი თანამშრომლობისთვის და ამ რეზოლუციაზე ღირებული კონტრიბუციისთვის. საქართველოს მოქალაქე, 2008 წლის ომის ვეტერანი თამაზ გინტური რუსეთის საოკუპაციო ძალებმა მოკლეს ადმინისტრაციული საზღვრის მახლობლად, როდესაც მეგობართან ერთად ეკლესიაში მიდიოდა, – ამის შესახებ ევროპარლამენტარმა ანა ფოტიგამ სტრასბურგში ევროპარლამენტის სესიაზე დებატებისას განაცხადა, რომელიც რუსეთის საოკუპაციო ძალების მიერ მოკლულ თამაზ გინტურს ეხებოდა.

„გინტური მოკლეს და საქართველოს მეორე მოქალაქე უკანონოდ დააკავეს. ჩვენი მიზანია შეიქმნას ევროკავშირის სია, ოთხოზორია-ტატუნაშვილის სიის მსგავსი ჩამონათვალი, რომელიც დაგვეხმარება სანქციების დაწესებაში მათზე, ვინც უდანაშაულო ადამიანების, ამ ქვეყნის პატრიოტების წინააღმდეგ ჩადენილ ამ და მსგავსი სახის დანაშაულებზეა პასუხისმგებელი“, – აღნიშნა ფოტიგამ.

სოფელ კირბალის მიმდებარედ, ოკუპირებულ ტერიტორიაზე, ადგილობრივი მცხოვრების უკანონოდ დაკავების მცდელობისას რუსეთის საოკუპაციო ძალების მიერ სროლის შედეგად საქართველოს მოქალაქე თამაზ გინტური დაიღუპა.