„ახლა არის დრო, საქართველოს ევროპული ინტეგრაციისთვის გაერთიანება მოხდეს“- პაველ ჰერჩინსკი

97
spot_img

„ახლა არის დრო, საქართველოს ევროპული ინტეგრაციისთვის გაერთიანება მოხდეს“, – ამის შესახებ საქართველოში ევროკავშირის ელჩმა პაველ ჰერჩინსკიმ განაცხადა.

მისი თქმით, იმისთვის, რომ ეს დათქმები შესრულდეს, ქვეყანაში პოლიტიკური პოლარიზაცია უნდა შემცირდეს.

„დღეს, როცა ყველანი ერთად ვგლოვობთ რუსი ოკუპანტების მიერ საქართველოს მოქალაქის მკვლელობას. ვიმედოვნებ, რომ ევროკომისიის მიერ მიღებული პოზიტიური გადაწყვეტილება, ასევე, წაახალისებს ოკუპირებული ტერიტორიებს, რომ მიუახლოვდეს დანარჩენ ქვეყანას და ხელი შეუწყოს საქართველოს ტერიტორიის ტრაგიკული დაყოფის დასრულებას.

დღევანდელმა პოზიტიურმა რეკომენდაციამ, ასევე, ხაზი გაუსვა, რომ ევროკავშირი ხედავს საქართველოს როგორც წამყვან პარტნიორს რეგიონში, რომელმაც შეიძლება ითამაშოს მნიშვნელოვანი როლი მშვიდობისა და სტაბილურობის მოტანაში საქართველოს სამეზობლოში. ამავე დროს, ჩვენ არ უნდა დაგვავიწყდეს, რომ რეკომენდაცია, რომ საქართველოს მიენიჭოს კანდიდატის სტატუსი მიბმულია შემდგომ რეფორმებს. იმ ნაბიჯების მოგვარება, რომელიც ევროკომისიამ განსაზღვრა, იქნება მნიშვნელოვანი, რომ შემდეგ ეტაპზე მოხდეს ქვეყნის გადასვლა. ამ ნაბიჯების გადასადგმელად საქართველოს სჭირდება შეამციროს პოლიტიკური პოლარიზაცია.

ჩემი ყველაზე მნიშვნელოვანი გზავნილი გახლავთ, რომ ამჟამად არის დრო, მოხდეს გაერთიანება, ძალების შეკავშირება საქართველოს ევროპული ინტეგრაციისთვის. მე მოწმე ვიყავი მრავალჯერ როდესაც თქვენ გაერთიანებულები ხართ თქვენ ძალიან დიდი რაღაცების გაკეთება შეგიძლიათ“, – აცხადებს ევროკავშირის ელჩი საქართველოში.