ქვეყანა მოსაწევის სუნით ყარს და უმეტესად კლუბური ნარკოტიკებითა და კოკაინით გაბრუებული ხალხით გაივსო, – ამის შესახებ სოციალურ ქსელში ფოტოგრაფი გოგა ჩანადირი წერს.
მისი თქმით, ახალგაზრდები იღუპებიან და მეტადონის პროგრამის გარდა, რომელიც, როგორც ჩანს, ხარვეზებიანია, სახელმწიფოს არ აქვს ანტინარკოტიკული გეგმები.
“უკვე კარგ ტონად ითვლება ნარკოტიკის მოხმარება. ამ დროს კი, ეს ბოროტებაა საკუთარი თავის მიმართ.
ახალგაზრდები იღუპებიან და მეტადონის პროგრამის გარდა, რომელიც, როგორც ჩანს, ხარვეზებიანია, სახელმწიფოს არ აქვს ანტინარკოტიკული გეგმები.
მრჩება შთაბეჭდილება, რომ ნარკოტიკებიც ადვილად და იაფად იშოვება. ამდენი გაბრუებული ადამიანის არსებობას, განსაკუთრებით კლუბებში, სხვა ახსნა არ აქვს.
ჩვენს თვალწინ იღუპებიან ახალგაზრდები, უმეტესად 20-27 წლის გოგო-ბიჭები. ისინი ამას ვერ ხვდებიან, რადგან უმრავლესობის მშობლები ემიგრაციაში არიან და უყურადღებოდ დარჩნენ. აღზრდის საკითხებში სკოლებიც ვერ არიან სათანადო დონეზე.
შესაძლოა, მშობლების გამოგზავნილ ფულს უმეტესობა სწორედ ნარკოტიკში ხარჯავს.
ამას ემატება ნარკომანიაში ადამიანების ჩათრევა ფულის მიზიდვის მიზნით. როცა ჩათრეული ღარიბდება, ახლა ის ითრევს სხვას.
ამ სქემას ბევრმა ვერ გაუძლო.
ერი ნადგურდება, შვილები გეღუპებათ.
დროა, სახელმწიფომ მკვეთრი ანტონარკოტიკული პროგრამები შექმნას, ჯანსაღი ცხოვრების წესი წაახალისოს და ადამიანები გადაარჩინოს,”– წერს გოგა ჩანადირი.
