რიკოთზე ხიდიდან მდინარეში გადავარდნილი მუშის ცხედარი იპოვეს.
შუა ხნის კაცს 20 ივნისის საღამოდან ეძებდნენ.
არსებული ცნობით, მუშა მდინარეში ავტობანის უბისის მონაკვეთზე მშენებარე ხიდიდან გადავარდა და წყალმა წაიღო.
სამძებრო სამუშაოების შედეგად კაცის ცხედარი, შემთხვევის ადგილიდან დაახლოებით 5 კილომეტრში, შროშას მიმდებარე ტერიტორიაზე ნახეს.
ცხედარი ექსპერტიზაზეა გადასვენებული.
