“ყირიმში “ქიმიური ქარხნის დანაღმვით 3 ქვეყანას საფრთხე ემუქრება” – უკრაინული მხარე

343
spot_img

უკრაინის სამხრეთის შეიარაღებული ძალების პრესცენტრის ხელმძღვანელი ნატალია გუმენიუკი რუსული ძალების მიერ ქიმიური ქარხნის, „ყირიმის ტიტანის“ დანაღმვის შესახებ გავრცელებულ ინფორმაციას ეხმაურება და ამბობს, რომ ეს შესაძლოა, ოკუპანტების მხრიდან მორიგი ტექნოგენური შანტაჟის საშუალებად იქცეს.

როგორც ნატალია გუმენიუკმა დღეს გამართულ ბრიფინგზე განაცხადა, „ყირიმის ტიტანის“ ტერიტორიაზე აფეთქებას შეიძლება ბევრად უფრო დიდი კატასტროფა მოჰყვეს, ვიდრე ეს კახოვკას ჰესის ჩამონგრევის შემთხვევაში მოხდა.

„თუ შევადარებთ შანტაჟს და კახოვკას ჰესთან დაკავშირებული ტექნოგენური კატასტროფის სისრულეში მოყვანას, მაშინ, ეს უფრო ლოკალური სიტუაცია იყო, ხოლო რაც შეეხება საწარმო „ტიტანს“, ამას უკვე სახელმწიფოთაშორისი ხასიათი ექნება“, – აცხადებს ნატალია გუმენიუკი.

როგორც ის სპეციალისტებზე დაყრდნობით აცხადებს, კატასტროფის შემთხვევაში, ზარალი შეიძლება სხვა ქვეყნებსაც შეეხოს, კონკრეტულად კი თურქეთს, რუმინეთს და მოლდოვას. როგორც ნატალია გუმენიუკი ამბობს, მსგავსი საფრთხე ამ ქვეყნების ხელისუფლების შეშფოთების საგანს უნდა წარმოადგენდეს.