5 აგვისტოს ასტროლოგიური პროგნოზი

ვერძი

თქვენი სიკეთე ვიღაცამ შეიძლება ცუდად გამოიყენოს. პრობლემების თავიდან ასაცილებლად უარის თქმა უნდა ისწავლოთ. თქვენი კეთილგანწყობა და პროფესიონალიზმი საკმარისზე მეტია, ამიტომ მეტი არავინ უნდა მოგთხოვოთ. ახალი შეთავაზებები თქვენი კარიერული წინსვლისთვის ძალიან მოგებიანი იქნება, მაგრამ თუ სიფრთხილეს არ გამოიჩენთ, შეიძლება პირველივე წინააღმდეგობაზე დანებდეთ.

კურო

თქვენი ჯანმრთელობისთვის რეგულარული ფიზიკური დატვირთვა ძალიან მნიშვნელოვანია. საყვარელ ადამიანთან ან მეგობრებთან ერთად საკუთარ მოწოდებას იპოვით. ამ დღეს წვრილმანებს განსაკუთრებული ყურადღება უნდა მიაქციოთ. გსურთ, რომ თქვენი სიყვარულის გარშემო ისეთი ციხესიმაგრე ააგოთ, რომელსაც ვერაფერი მოერევა. შესანიშნავი დროა გრძელვადიანი გეგმების შედგენისთვის.

ტყუპები

ამ დღემ შეიძლება დიდი სიურპრიზები მოგიტანოთ. შეგიძლიათ მშვიდად იყოთ – თქვენი ურთიერთობის სტაბილურობას ვარსკვლავები იცავენ. შესაძლოა, საყვარელმა ადამიანმა ოჯახის შექმნა შემოგთავაზოთ. თქვენი განსაკუთრებული უნარების დამსახურებით შეიძლება ყურადღების ცენტრში აღმოჩნდეთ. გადაწყვეტილების მიღებისას, რომელიც ყველას ეხება, ეცადეთ კოლეგების და თანამშრომლების შეხედულებები გაითვალისწინოთ.

კირჩხიბი

დადებითი თვისებების გარდა, მტაცებლისთვის დამახასიათებელი თვისებებიც გაქვთ და ეს არასოდეს გაქრება. ოჯახური კერის მფარველი ხართ და არ მოგწონთ, როდესაც „გარედან“ ვიღაც მყუდროებას გირღვევთ. თქვენთვის პირადი ცხოვრება საზოგადოებრივ საქმიანობასთან შედარებით მეორეხარისხოვანია. თუ ასე გააგრძელებთ და მეუღლეს (ან პარტნიორს) ყურადღებას მოაკლებთ, შეიძლება მარტო დარჩეთ.

ლომი

ამ დღეს მზე თქვენს პროფესიულ ცხოვრებაზე დამღუპველად მოქმედებს. სამწუხაროდ, თქვენი უფროსი „პატარა დიქტატორია“, რომელიც შრომისმოყვარეობისა და წარმატებისთვის არასოდეს გაჯილდოებთ, პირიქით. თქვენი პროფესიული ცხოვრება კოლეგების მხარდაჭერის გარეშე ჯოჯოხეთად იქცეოდა. ვარსკვლავებმა იციან რა გსურთ, მაგრამ თქვენი ოცნებების ასრულებას დრო სჭირდება. ფინანსური პრობლემების დროს შეგიძლიათ დახმარება ახლობლებს სთხოვოთ.

ქალწული

ეს დღე გადამწყვეტი გახდება – შეიძლება ცხოვრების სიყვარული ვერ იპოვოთ, მაგრამ მასთან ძალიან ახლოს მიხვალთ. წყვილების სიმშვიდეს არაფერი ემუქრება – პარტნიორს თქვენი დამოკიდებულება აოცებს, მაგრამ მალე მიეჩვევა. კარგად დაფიქრდით, სანამ დიდ თავგადასავალს დაიწყებთ. ეცადეთ, ყველა ფინანსური რისკი გამოთვალოთ.

სასწორი

ამ დღეს გარშემომყოფებს ეგოისტური გამოხდომებით აღიზიანებთ და თავადაც ვერ ხვდებით, რომ გაგირბიან. ეცადეთ, ადამიანების მიმართ დამოკიდებულება შეცვალოთ, რომ მარტო არ დარჩეთ. ეს რჩევა ოჯახურ კონტექსტშიც აქტუალურია – ახლობლების მიმართ გამოჩენილი ყურადღება კონფლიქტური სიტუაციების განმუხტვის საშუალებას მოგცემთ.

მორიელი

ამ დღეს ბასრ საგნებთან და ცეცხლთან სიფრთხილე უნდა გამოიჩინოთ, რადგან ტრავმების რისკი მაღალია. თუ კომპიუტერთან მუშაობთ, ხშირად შეისვენეთ, რომ შაკიკი და სახსრების ტკივილი თავიდან აიცილოთ.

მშვილდოსანი

ამ დღეს მეტი თავშეკავება გმართებთ, რომ დაუფიქრებელმა საქციელმა არ დაგაზარალოთ. თუ სპორტის ან ფეხით სიარულის მოყვარული ხართ, გირჩევთ შესაფერისი ფეხსაცმლის შეძენაზე იზრუნოთ, რომ ტრავმა თავიდან აიცილოთ. ჯანსაღი ცხოვრების წესი ჯანმრთელობის გარდა, თავდაჯერებას მოგიტანთ. არ შეჩერდეთ, თორემ საწყის წერტილს დაუბრუნდებით.

თხის რქა

შეწყვიტეთ მეუღლის კრიტიკა და გამუდმებით მის ნაკლოვანებებზე საუბარი. ეს გაღიზიანების გარდა არაფერს მოგიტანთ. კარგად დაფიქრდით, სანამ დაუფიქრებლად ნათქვამი სიტყვით ვინმეს გულს ატკენთ. მარტოხელა თხის რქები უნდა შეეგუონ იმ აზრს, რომ სრულყოფილი ადამიანის პოვნა ძნელია.

მერწყული

თქვენი პროფესიული ცხოვრება ყოველგვარ მოლოდინს გადააჭარბებს. მეგობრული ატმოსფერო საშუალებას მოგცემთ საკუთარი კოლეგები უკეთ გაიცნოთ. მეორე მხრივ, თუ პროფესიის ან სამუშაო ადგილის შეცვლას გეგმავთ, შესაძლოა არც ღირს იმ ადამიანებთან ახლო კავშირის დამყარება, რომლებიც შეიძლება დიდხანს ვეღარ ნახოთ. საკუთარ თავს ძალიან ბევრ კითხვას უსვამთ იმის ნაცვლად, რომ მშვიდად იცხოვროთ.

თევზები

სიცოცხლისუნარიანობას ასხივებთ, ენერგიით სავსე ხართ. დილას ვარჯიში, სახლის დალაგება, იოგას სესია მეგობრებთან ერთად, ყველაფერს ასწრებთ. თუმცა, ფრთხილად უნდა იყოთ – ძალა დაზოგეთ, თორემ დინამიზმის ეს უეცარი აფეთქება შეიძლება სწრაფად გაქრეს. გადაწყვეტილებები რიგრიგობით უნდა მიიღოთ, რომ რაიმე მნიშვნელოვანი არ დაგავიწყდეთ.