„2022 წელს საქართველოდან ემიგრაციაში წასული ადამიანების რაოდენობამ რეკორდულ მაჩვენებელს მიაღწია“, – ამის შესახებ მონაცემებს PMC კვლევითი ცენტრი ავრცელებს.
ორგანიზაციის თანახმად, გასულ წელს ქვეყნიდან ემიგრაციაში 100 000-ზე მეტი ადამიანი წავიდა.
„2022 წელს, მიუხედავად ეკონომიკის ზრდისა, საქართველოდან ემიგრანტების რიცხვმა რეკორდულ მაჩვენებელს, 100 000-ზე მეტ ადამიანს მიაღწია. ასევე, 2022 წელს იმიგრანტების რაოდენობა ემიგრანტების ნახევარს გაუტოლდა და 54.4 ათასი ადამიანი შეადგინა.
2022 წელს, მიუხედავად ქართველების მნიშვნელოვანი გადინებისა, წმინდა მიგრაცია პოზიტიური იყო და რეკორდულ მაჩვენებელს, 54.5 ათასი ადამიანს მიაღწია. აღნიშნული წმინდა მიგრაციის დადებითი რიცხვი ძირითადად გამოწვეული იყო იმიგრაციით რუსეთიდან, უკრაინიდან და ბელორუსიიდან“, – აღნიშნულია PMC კვლევითი ცენტრის მიერ გამოქვეყნებულ მაკრო მიმოხილვაში.
