13 თებერვლის ასტროლოგიური პროგნოზი

978
spot_img

ვერძი

ამ დღეს სადაც არ უნდა იყოთ, ყურადღების ცენტრში იქნებით. გახსოვდეთ, რომ ადამიანებს თქვენში ყველაზე მეტად ხალისიანი განწყობა, პიროვნული ხიბლი და იუმორის გრძნობა მოსწონთ. შესაძლოა, საკმაოდ საჭირო და გავლენიანი ადამიანები გაიცნოთ, რომლებიც დახმარებას შემოგთავაზებენ. ჩაიწერეთ ან დაიმახსოვრეთ იდეა, რომელიც თავში მოგივათ – ის შეიძლება ფინანსურად მოგებიანი იყოს.

კურო

დროა, ღრუბლებში ფრენა დაასრულოთ და დაგროვილ საქმეებს მიხედოთ. ამ დღეს ენერგიით სავსე ხართ, ამიტომ რთული საქმის დაწყების ნუ შეგეშინდებათ. მოსალოდნელია მნიშვნელოვანი შეხვედრა, რომელიც გავლენას მოახდენს თქვენს მომავალზე. სავარაუდოდ, ამ დღეს წარსულში დაშვებული შეცდომების გამოსწორება მოგიწევთ.

ტყუპები

ამ დღეს ემოციების გავლენით ან ინტუიციურად არ უნდა იმოქმედოთ. არასწორად მიღებული გადაწყვეტილება შეიძლება თქვენს კარიერაზე და ზოგადად, მომავალზე უარყოფითად აისახოს. სავარაუდოდ, ვიღაც შესანიშნავ იდეას მოგაწვდით, რომელიც აუცილებლად უნდა დაიმახსოვროთ. პასუხისმგებლობის აღების ნუ შეგეშინდებათ – 13 თებერვალს იღბალი თქვენს მხარეზეა. არსებობს შეცდომების გამოსწორების და შერიგების შანსი, რომელიც ხელიდან არ უნდა გაუშვათ.

კირჩხიბი

ამ დღეს ბევრ მნიშვნელოვან სიახლეს შეიტყობთ. მოემზადეთ საჭირო ადამიანებთან შესახვედრად. მათგან შესანიშნავ იდეას მიიღებთ, რომელიც მომავალში წარმატებით განხორციელდება და ფინანსურ შემოსავალს მოგიტანთ. ნუ აჩქარდებით, ყველაფერი მშვიდად და ყურადღებით აკეთეთ, რათა შეცდომა აიცილოთ. ეცადეთ, საკუთარ სიტყვებს და მოქმედებებს მეტი ყურადღება მიაქციოთ. ნუ გასცემთ დაპირებებს, რომლებსაც ვერ შეასრულებთ.

ლომი

ვარსკვლავები გირჩევენ, აქტიურობა შეამციროთ და ხანმოკლე შესვენება გამოაცხადოთ. თქვენთვის მნიშვნელოვან ურთიერთობებს საფრთხე ემუქრება, ამიტომ ეცადეთ, თითოეული სიტყვა და მოქმედება კარგად აწონ-დაწონოთ. მეტი ყურადღება გამოიჩინეთ ახლობელი ადამიანების მიმართ, მოერიდეთ დაუსაბუთებელ კრიტიკას და უმიზეზოდ გული არავის ატკინოთ.

ქალწული

გეგმას ეტაპობრივად მიჰყევით და შედეგის მისაღწევად უკან არ დაიხიოთ. ამ დღეს უამრავ საინტერესო სიახლეს გაიგებთ, რომლებიც მშვიდად და ფრთხილად უნდა შეაფასოთ. თქვენს ცხოვრებაში სიახლის ნაკადი შემოიჭრება. შესაძლოა, ეს რაღაც ახალი, უჩვეულო გრძნობა იყოს. ფრთხილად იყავით, შესაძლოა, ამ გატაცების შედეგი თქვენს ბედზე უარყოფითად აისახოს.

სასწორი

პლანეტების ხელსაყრელი განლაგების წყალობით, ამ დღეს ბევრი საქმე თქვენი ძალისხმევის გარეშე მოგვარდება. პირად ურთიერთობებში სასურველია, რომ მეტი ინიციატივა გამოიჩინოთ და საყვარელ ადამიანს თქვენი გრძნობების შესახებ უამბოთ. დროა თაროზე შემოდებული, მნიშვნელოვანი საქმეების დასრულებაზე იფიქროთ, მით უმეტეს, თუკი ახლა მეტი თავისუფალი დრო გაქვთ.

მორიელი

მოვლენებით დატვირთული დღეა. შესაძლოა, მოულოდნელად სასწრაფო საქმე გამოგიჩნდეთ და გეგმების შეცვლა გაიძულოთ. ეცადეთ, არ გადაიღალოთ და პერიოდულად, ყურადღება სასიამოვნო საქმეებზე გადაიტანოთ, წინააღმდეგ შემთხვევაში, ძალა გამოგელევათ და სამუშაოს დასრულებას ვეღარ შეძლებთ. სპორტული ვარჯიშები და სუფთა ჰაერზე სეირნობა სტრესის მოხსნაში დაგეხმარებათ.

მშვილდოსანი

ამ დღეს ეცადეთ, რომ უფროსების თვალწინ იტრიალოთ, დისკუსიებსა და დებატებში მონაწილეობა მიიღოთ და ინიციატივა გამოიჩინოთ. თქვენი აქტიურობა აუცილებლად დაფასდება და შეიძლება კარიერული წინსვლა ან ფინანსური ბონუსი მიიღოთ. დღის მეორე ნახევარში ოჯახის ხანდაზმულ წევრებს განსაკუთრებული ყურადღება უნდა მიაქციოთ.

თხის რქა

გირჩევთ, გარშემო მყოფ ადამიანებს თქვენი წარმატებების ან საინტერესო იდეების შესახებ უამბოთ. ამ გზით ყურადღებას მიიპყრობთ და საჭირო ადამიანებს გაიცნობთ. მეგობრის რჩევა რთული სიტუაციიდან გამოსავალს გაპოვნინებთ. მიუხედავად იმისა, რომ კოლეგების ნელი მუშაობა გაღიზიანებთ, ეცადეთ, ემოციები აკონტროლოთ და უხეშად არავის მიმართოთ.

მერწყული

ვარსკვლავები გირჩევენ, რომ გულწრფელობა გამოიჩინოთ და ადამიანებით მანიპულირებას არ ეცადოთ. შედეგის მიღწევა გაცილებით ადვილი იქნება, თუ თქვენს პრობლემებსა და საჭიროებებზე ღიად ისაუბრებთ. შესაძლოა ძალიან მნიშვნელოვანი ამბავი გაიგოთ, მაგრამ სანამ დაიჯერებთ, აუცილებლად უნდა გადაამოწმოთ.

თევზები

რთული და დაძაბული დღეა. ერთდროულად რამდენიმე საკითხის მოგვარება და პროცესების კონტროლი მოგიწევთ. პრობლემებისადმი არასტანდარტული მიდგომა დაგეხმარებათ, მათი გადაჭრის უფრო მოკლე გზა იპოვოთ. შესაძლოა, მოვლენები მოულოდნელი მიმართულებით განვითარდეს, მაგრამ ეცადეთ, სიმშვიდე და ცივი გონება შეინარჩუნოთ.