11 ივლისის ასტროლოგიური პროგნოზი

261
spot_img

ვერძი

მუშაობისთვის განწყობილი ხართ და ყველა მნიშვნელოვანი საქმის ერთდროულად დაწყება გსურთ, თუმცა უმჯობესია, ერთი კონკრეტული საქმე აირჩიოთ და ყურადღება მასზე გადაიტანოთ. კოლეგების დახმარება ან მათთან თანამშრომლობა არ გაკმაყოფილებთ, ამიტომ მხოლოდ საკუთარ ძალებს უნდა დაეყრდნოთ. ეცადეთ, დრო სწორად გაანაწილოთ.

კურო

ამ დღეს ყურადღების მოკრეფა და სამუშაო რიტმში შესვლა გიჭირთ. გახსოვდეთ, რომ სამუშაო გრაფიკის გარეშე დაგეგმილი ამოცანების ნახევარსაც კი ვერ გაუმკლავდებით. განსაკუთრებული ყურადღება ფინანსებთან დაკავშირებულ საკითხებს უნდა მიაქციოთ. აკონტროლეთ საკუთარი ემოციები, რათა საყვარელი ადამიანი არ გაანაწყენოთ.

ტყუპები

ამ დღეს შეიძლება უპატიოსნო ან ანგარებიან ადამიანს შეხვდეთ, ამიტომ სანამ ვინმეს ენდობით, ეცადეთ უკეთ გაიცნოთ ან მის შესახებ მეტი ინფორმაცია მიიღოთ. გამორიცხული არ არის ახლობელ ადამიანთან კონფლიქტი, ამიტომ ვარსკვლავები გირჩევენ, ურთიერთობისთვის ნეიტრალური თემები აირჩიოთ.

კირჩხიბი

გარშემომყოფებს თქვენი მხარდაჭერა სჭირდებათ. ეცადეთ, მათთვის დრო გამონახოთ და ღირებული რჩევა მისცეთ. უმჯობესია დიდი პროექტების დაწყება სამომავლოდ გადადოთ, რადგან ახლა იმ შედეგს ვერ მიიღებთ, რომლის იმედიც გაქვთ. პირად ურთიერთობებში მეტი მოთმინება უნდა გამოიჩინოთ, რომ პარტნიორი არ დააფრთხოთ.

ლომი

ამ დღეს გარშემო მყოფებისგან ყველაზე მეტად ნათელი ემოციები და ოვაციები გჭირდებათ. თუ შესაძლებელია, მნიშვნელოვანი შეხვედრები სამომავლოდ გადადეთ და ცხოვრებით დატკბით. გაატარეთ საღამო დიდ კამპანიაში, წადით ხმაურიან წვეულებაზე. ვარსკვლავები გირჩევენ, მოვლენების ცენტრში იტრიალოთ.

ქალწული

ცვლილებებისთვის ხელსაყრელი დღეა. გირჩევთ, გარეგნობაში რამე შეიცვალოთ და ახალი ტანსაცმელი იყიდოთ. ეს თავდაჯერებას შეგძენთ და თქვენს ცხოვრებაში ახალ ემოციებს შემოიტანს. ამ დღეს სხვა ადამიანების რჩევებს არ უნდა დაუჯეროთ, თორემ იმედგაცრუებული დარჩებით. ინტუიცია სწორი არჩევანის გაკეთებაში დაგეხმარებათ.

სასწორი

ვარსკვლავები გირჩევენ, რომ ამ დღეს ურთიერთობები შეზღუდოთ, განსაკუთრებით უცნობ ადამიანებთან. ვიღაც ეცდება, რომ თქვენი მდგომარეობით და გულისხმიერებით ისარგებლოს. გირჩევთ, საკუთარ გეგმებზე არავის უამბოთ, რადგან კონკურენტები თქვენთვის ხელის შეშლას ეცდებიან.

მორიელი

შეცდომების თავიდან ასაცილებლად, გირჩევთ, გადაწყვეტილების მიღების დროს საკუთარ ინტუიციას დაეყრდნოთ. ყურადღება მიაქციეთ თანამოსაუბრის ინტონაციას და განწყობას – ეს დაგეხმარებათ ნათქვამის მნიშვნელობა სწორად გაიგოთ. იპოვეთ დრო სუფთა ჰაერზე სასეირნოდ. ეს ძალების აღდგენაში დაგეხმარებათ.

მშვილდოსანი

ამ დღეს გულწრფელობა თქვენი საუკეთესო იარაღია. ეცადეთ, ახლობელ ადამიანებს არაფერი მოატყუოთ და დაუმალოთ. ისინი ღირებულ რჩევებს მოგცემენ და წარმოქმნილი პრობლემების მოგვარებაში დაგეხმარებიან. ხელსაყრელი დროა იდეების განხორციელებისთვის. ეცადეთ, პირად ურთიერთობებში მეტი იაქტიუროთ.

თხის რქა

ემოციურად რთული დღეა. სავარაუდოდ, გეგმების შეცვლა, ემოციების კონტროლი და სტრესული სიტუაციების თავიდან აცილება მოგიწევთ. ნუ ეცდებით საკუთარი სიმართლის დამტკიცებას ზეწოლით ან აგრესიით – დროს და ენერგიას ტყუილად დაკარგავთ.

მერწყული

ეცადეთ, მეტი დრო დაუთმოთ აქტივობებს, რომლებიც დადებით ემოციებს გაჩუქებთ. ნუ ეცდებით საკუთარი სიმართლის დამტკიცებას – გარშემო მყოფები თქვენს მოსმენას არ ისურვებენ. მოერიდეთ გარშემო მყოფებთან ურთიერთობის გარკვევას, რასაც შეიძლება კონფლიქტი მოჰყვეს. უმჯობესია წუთშესვენება აიღოთ და დაისვენოთ.

თევზები

შესაძლოა, ახლობელი ადამიანის შესახებ აზრი შეიცვალოთ. მიეცით საკუთარ თავს მოდუნების და ემოციური განტვირთვის უფლება. ეცადეთ, ძალები აღიდგინოთ და პირქუში აზრებისგან გათავისუფლდეთ.