ზურაბ აზარაშვილი მზადყოფნას გამოთქვამს, რესპუბლიკური საავადმყოფოს თანამშრომლებს შეხვდეს და მათ შეკითხვებს უპასუხოს

31
spot_img

ჯანდაცვის მინისტრი ზურაბ აზარაშვილი მზად არის, რესპუბლიკური საავადმყოფოს თანამშრომლებთან შეხვედრა გამართოს და მათ შეკითხვებს პირადად უპასუხოს. ინფორმაციას ჯანდაცვის სამინისტრო ავრცელებს.

უწყების ცნობით, შეხვედრაზე კლინიკასა და მის თანამშრომლებთან დაკავშირებით თითოეულ საკითხს დეტალურად განიხილავენ.

ცნობისთვის, ზურაბ აზარაშვილსა და რესპუბლიკური საავადმყოფოს თანამშრომლებს შორის შეხვედრა ჯანდაცვის სამინისტროში დღეს, 15:00 საათზეა დაგეგმილი.

თბილისში, რესპუბლიკური საავადმყოფოს ბაზაზე ახალი საავადმყოფო აშენდება. რესპუბლიკური საავადმყოფოს თანამშრომლებისთვის დევნილთა, შრომის, ჯანმრთელობისა და სოციალური დაცვის სამინისტრომ კომპენსაციებთან დაკავშირებით შეთავაზების პროცესი ოფიციალურად დაიწყო.