უკრაინის საგარეო საქმეთა მინისტრის, დმიტრო კულებას განცხადებით, ვოლოდიმირ ზელენსკი ვლადიმერ პუტინთან ერთად მოლაპარაკების მაგიდასთან არასოდეს დაჯდება. ამის შესახებ კულებამ Corriere della Sera-სთან ინტერვიუში განაცხადა.
მისივე თქმით, რუსეთის ლიდერი არაა პარტნიორი, რომელთანაც მოლაპარაკებები შეიძლება აწამოო, ვინაიდან მან არაერთი სერიოზული დანაშაული ჩაიდინა. ასე გამოეხმაურა კულება არაბთა გაერთიანებული საამიროების პრეზიდენტის, მუჰამედ ალ-ნახაიანის წინადადებას პუტინისა და ზელენსკის შეხვედრის ორგანიზების თაობაზე.
კულებას განმარტებით, რუსეთთან მოლაპარაკებები შესაძლებელი იქნება მხოლოდ მას შემდეგ, რაც საოკუპაციო ჯარი უკრაინის მთელ ტერიტორიას დატოვებს.
