ალექსი პეტრიაშვილი სოციალურ ქსელში უკრაინაში მიმდინარე მოვლენებს ეხმაურება:
“უკრაინის პრემიერი ვაშინგტონში ვიზიტის ფარგლებში შეხვდა აშშ-ს თავდაცვის მდივანს. დენის შმიჰალის მთავარი თხოვნა ამერიკული მხარისადმი შორ მანძილზე მოქმედი რაკეტები, ავიაცია და მძიმე ტექნიკა იყო;
ვაშინგტონში იმყოფება პოლონეთის პრემიერ მინისტრი მათეუშ მორავიეცკიც, რომელმაც საკმაოდ ოპტიმისტური განცხადება გააკეთა: აშშ უკრაინას მიაწვდის დამატებით აბრამსის ტანკებს და ბრედლის ჯავშანმანქანებს;
დენის შმიჰალმა ერთ-ერთ ამერიკულ გამოცემასთან ინტერვიუში დაუშვა, რომ შეტევა შესაძლოა ზაფხულში დაიწყოს;
შეიარაღება კი მიედინება მწყობრად უკრაინაში; მაგალითად უახლოეს დღეებში ადგილზე იქნება ესპანური ლეოპარდ 2 ტანკები და ჯავშანმანქანები; ერთ-ერთი მთავარი მიზეზი შეტევის დაწყების შესაძლო გადავადების არის წვიმიანი ამინდები. უახლოესი 2 კვირის განმავლობაში კიდევ წვიმებია მოსალოდნელი, მერე კი ნიადაგი უნდა გაშრეს. თუმცა, ეს ყველაფერი არის სპეკულაციები და მარჩიელობა; არავინ ზუსტ თარიღს არ გვეტყვის ცხადია. არც უნდა თქვან. მთავარია, რომ უკრაინას ჰქონდეს ყველაფერი აუცილებელი შეტევის წარმატებით განსახორციელებლად და ნიადაგი გაშრება როცა იქნება;
კიდევ იმედი მაქვს, რომ საფრანგეთი არ დაბლოკავს ჭურვების შესასყიდად თანხების გამოყოფას ევროკავშირის ფონდიდან. ახლა ოფიციალური მიზეზია, რომ ჭურვებთან ერთად რაკეტებიც ევროკავშირმა ევროკავშირში უნდა შეისყიდოს, ეჰ მანიუ, მანიუ რაა.
9 მაისს ჩვენ რო ვხოცავთ აქ, 8-ში დადგა გამარჯვება თუ 9-ში, აგერ რუსეთის 4 სასაზღვრო რეგიონში – კურსკი, ბელგოროდი, ბრიანსკი და როსტოვი – საერთოდ გააუქმეს 9 მაისის ღონისძიებები; გამოიცანით აბა კიდევ ვინ გააუქმა აღლუმი და ზეიმი? ყირიმის საოკუპაციო ადმინისტრაციამ. შიში ოხერია; იციან, რომ მოხვდებათ ბაშკაში;
ამ საყოველთაო “მშვიდობისმქმნელობის” კონკურსში ახლა ბელარუსის საგარეო კუმ გამოყო ფეხი, მეც ნახირ ნახირო. ცეცხლის შეწყვეტის შეთანხმებისკენ მოუწოდა უკრაინას და ურდოსტანს. გითხრეს თქვენ ყველას გარკვევით, დაახვიოს ბოლო ოკუპანტმა მთელი უკრაინის ტერიტორიიდან და შეიძლება ლაპარაკის დაწყება.
ასევე მოგიწევთ რეპარაციების გადახდა. უკრაინის დანგრეული ქალაქების და ინფრასტრუქტურის აღდგენაში თანხების უდიდესი ნაწილი რუსეთმა უნდა გადაიხადოს! პრეზიდენტ ზელენსკის თქმით, რუსეთი დამარცხებულად ჩაითვლება, როდესაც უკრაინის ტერიტორიაზე ნანგრევები აღარ იქნება;
მაგალითად ბახმუტში შენობა აღარ დარჩა მთელი; არტილერიის და ცოცხალი ძალის უდიდესი მარაგები აქვთ გადმოსროლილი ბახმუტში; ჟენევის კონვენციით აკრძალულ შეიარაღებასაც იყენებენ; ელიტური რეგულარული ნაწილებიც აქ არიან ვაგნერელ დაქირავებულ მკვლელებთან ერთად, მაგრამ ბახმუტის აღებას ურდო ვერ ახერხებს; მაგალითად გუშინ დღისით გავრცელდა ინფორმაცია, რომ აიღეს რკინიგზის სადგური, მაგრამ საღამოს უკვე ურდოს ბლოგერებმა აღიარეს, რომ რკინიგზის სადგურს აკონტროლებს უკრაინის შეიარაღებულ ძალებს; ასევე მიუხედავად მძიმე ვითარებისა, ქალაქის მთავარი მომარაგების არტერია კვლავ ჩვენების კონტროლის ქვეშ არის და ხდება დამატებითი ცოცხალი ძალის და საჭირო შეიარაღების გადასროლა ქალაქში;
მარიინკაზე მოგვაწვენ, მაგრამ დგანან ისევ მყარად ცენტრში ჩვენები;
ავდეევკაში ვითარება უცვლელია;
ზაპოროჟიეში მაგრად ემზადებიან ურდოსები თავდაცვისთვის. ატომური ენერგო სადგურიდან ემზადებიან როსატომის და კოლაბორანტების ევაკუაციისთვის; მელიტოპოლის დასაცავად 3 ზღუდე მოაწყვეს; იციან, რომ სამხრეთში გავარღვევთ ბოლომდე ურდოს და მივადგებით ყირიმს;
უკრაინა გაიმარჯვებს 2023-ში! საქართველომ უნდა გაიხაროს 2023-ში! პუტლერის ბოროტების იმპერია გრუხუნით ჩამოინგრევა 2023-ში!
დიდება უკრაინას!
დიდება გმირებს!
დიდება ერს!
სიკვდილი მტერს!”- წერს ალექსი პეტრიაშვილი.
