რუსეთის საგარეო საქმეთა სამინისტროს პრესსპიკერი მარია ზახაროვა ოდესის ფერისცვალების ტაძრის განადგურებას გამოეხმაურა და მომხდარში კიევი დაადანაშაულა.
მარია ზახაროვას თქმით, „უკრაინას არ აქვს უფლება მიმართოს კანონიერებას მას შემდეგ, რაც კიევ-პეჩერის ლავრასთან, სიწმინდეებთან, ძეგლებთან და მემორიალებთან დაკავშირებით მოხდა“.
„იმის შემდეგ, რაც კიევის „რეჟიმმა“ გააკეთა ათეულობით მართლმადიდებლურ ეკლესიასთან, კიევ-პეჩერის ლავრასთან, სიწმინდეებთან, ძეგლებთან და მემორიალებთან დაკავშირებით, მას არ აქვს უფლება მიმართოს კანონიერებას“, – განაცხადა ზახაროვამ.
რუსულმა ძალებმა 23 ივლისის ღამეს განხორციელებული სარაკეტო თავდასხმის დროს ოდესის ფერისცვალების ტაძარი გაანადგურეს.
