ვწუხვართ, რომ ომში გვიბიძგებენ, მაგრამ ისრაელელებმა იციან, რომ ეს არ იქნება „პიკნიკი“ -ლიბანის საგარეო საქმეთა მინისტრის მოვალეობის შემსრულებელი

38
spot_img

ლიბანის საგარეო საქმეთა მინისტრის მოვალეობის შემსრულებლის, აბდალა ბუ ჰაბიბის განცხადებით, ლიბანი შეშფოთებულია იმის გამო, რომ ქვეყანას ისრაელთან ომისკენ უბიძგებენ. მისივე თქმით, ასეთი კონფლიქტი ისრაელისთვის „პიკნიკი“ არ იქნება.

„თქვენ იცით, ჰეზბოლას უფრო მეტი საშუალება აქვს, ვიდრე „ჰამასს“ და ამიტომ ვამბობ, რომ ეს ძალიან რთული იქნება. ამას ყველასთვის ძვირი საფასური ექნება. რა თქმა უნდა, ისრაელს ჰყავს საჰაერო ძალები და მათ შეუძლიათ დომინირება ჰაერზე და ხმელეთზეც, მაგრამ მთლიანობაში, ეს ყველასთვის საზიანო იქნება. ვწუხვართ, რომ ომში გვიბიძგებენ, მაგრამ ისრაელელებმა იციან, რომ ეს არ იქნება „პიკნიკი“, – აღნიშნა აბდულა ბუ ჰაბიბიმ.

მედიის ცნობით, ისრაელ-ლიბანის საზღვარზე დაძაბული ვითარების გამო, იზრდება შეშფოთება, რომ ლიბანი შესაძლოა, ჩაითრიონ რეგიონულ კონფლიქტში. მიმდინარე თვის დასაწყისში ევროკავშირმა განაცხადა, რომ ახლო აღმოსავლეთში რეგიონული ესკალაციის თავიდან აცილება აუცილებელია.