ვტოვებ ფრაქცია “ნაციონალურ მოძრაობას” და პარტია “ერთიან ნაციონალურ მოძრაობას” – დარეჯან ფხაკაძე

79
spot_img

“ნაციონალური მოძრაობის“ წევრმა დარეჯან ფხაკაძემ ქუთაისის საკრებულოს ფრაქცია და პარტია დატოვა

ქუთაისის საკრებულოში “ერთიანი ნაციონალური მოძრაობის“ წევრმა დარეჯან ფხაკაძემ დღეს, ფრაქცია  დატოვა.  ამის შესახებ მან ფრაქციის თავმჯდომარეს წერილობითი განცხადებით მიმართა.

“დაარსების დღიდან, დღემდე ვიყავი „ნაციონალური მოძრაობის“ წევრი, საკრებულოში შემოსვლისას მინდოდა ხალხს დავხმარებოდი, მაგრამ ასე არ აღმოჩნდა. დღეს არის სკამებისთვის ბრძოლა, მე მათთვის არ მიღალატია, მათ მიღალატეს, ამიტომ ვტოვებ ფრაქცია “ნაციონალურ მოძრაობას” და პარტია “ერთიან ნაციონალურ მოძრაობას” -აღნიშნა ჟურნალისტებთან საუბრისას დარეჯან ფხაკაძემ.

როგორც ცნობილია, დარეჯან ფხაკაძე საკრებულოში მუშაობას დამოუკიდებელი დეპუტატის სტატუსით გააგრძელებს.

დარეჯან ფხაკაძე ქუთაისის მუნიციპალიტეტის მე-7 მოწვევის საკრებულოს წევრი, 2021 წელს ჩატარებული თვითმმართველობის არჩევნების შედეგად  გახდა.