ვოლოდიმირ ზელენსკი კიევში ბულგარეთის პრემიერ-მინისტრს ნიკოლაი დენკოვს შეხვდა

20
spot_img

უკრაინის პრეზიდენტი, ვოლოდიმირ ზელენსკი კიევში ბულგარეთის პრემიერ-მინისტრს ნიკოლაი დენკოვს შეხვდა. ამის შესახებ ინფორმაციას უკრაინის პრეზიდენტი ავრცელებს.

„დღეს, როგორც ყოველთვის, ბულგარეთის პრემიერ-მინისტრთან, ნიკოლაი დენკოვთან, ჩვენ პროდუქტიული და ძალიან კონკრეტული მოლაპარაკებები გავმართეთ“, – წერს ვოლოდიმირ ზელენსკი სოციალურ ქსელ X-ზე.

ვოლოდიმირ ზელენსკიმ ნიკოლაი დენკოვს შავი ზღვისა და დუნაის რეგიონში სავაჭრო გზების გაფართოებისა და ნორმალური ნავიგაციის აღდგენის პროცესში უკრაინის ძალისხმევის მხარდაჭერისთვის მადლობა გადაუხადა.

„ძალიან მნიშვნელოვანია, რომ ასეთ რთულ დროსაც კი, ყველა სირთულის მიუხედავად, ჩვენ ნორმალური ეკონომიკური ურთიერთობების უზრუნველყოფა მოვახერხოთ“, – აღნიშნა უკრაინის პრეზიდენტმა.