“ვიქტორ ორბანის ვიზიტი ჩვენი ქვეყნისთვის მნიშვნელოვანია, საქართველოს გეოპოლიტიკური მნიშვნელობა ეზრდება” – ეკა სეფაშვილი

121
spot_img

მოძრაობა „ხალხის ძალის“ წევრ ეკა სეფაშვილის განცხადებით, უნგრეთის პრემიერ-მინისტრ ვიქტორ ორბანის ვიზიტი საქართველოსთვის ძალიან მნიშვნელოვანია.

სეფაშვილის თქმით, საქართველოს გეოპოლიტიკური მნიშვნელობა ეზრდება.

„ორბანის ვიზიტი ჩვენი ქვეყნისთვის ძალიან მნიშვნელოვანია, რადგან როდესაც დაისახა გეგმა, საქართველო გახდეს სატრანსპორტო ჰაბი ენერგორესურსებისთვის თუ ასე შემდეგ, ეს საუბარი არ დარჩა საუბრად და საქმიანი ვიზიტი განხორციელდა. ეს კი ნიშნავს, რომ საქართველოს გეოპოლიტიკური მნიშვნელობა ეზრდება და საქართველოში მშვიდობა და სტაბილურობა იქნება არა მხოლოდ საქართველოს ინტერესში, არამედ ყველა იმ ქვეყნის ინტერესში, მათ შორის ევროკავშირის ინტერესებში, რომლებიც ისარგებლებენ საქართველოს გავლით თავიანთი ეკონომიკური საქმიანობისთვის. ეს არის ძალიან მნიშვნელოვანი ქვეყნისთვის, რეგიონისთვის, ევროკავშირისთვის და ზოგადად მსოფლიოსთვის“, – განაცხადა ეკა სეფაშვილმა.

ვიქტორ ორბანი სამთავრობო დელეგაციასთან ერთად საქართველოს 10 ოქტომბერს ეწვია.