“ვინ აპირებენ ჩემს შემოწმებას, ხელმოცარული იურისტები და კორუმპირებული პოლიტიკოსები?” – შალვა თადუმაძე

76
spot_img

ე.წ. ვეტინგი ჩემ მიერ მიღებული ათასობით გადაწყვეტილებაა, რომლებიც სხვადასხვა ელექტრონულ პლატფორმაზე საჯაროდ ქვეყნდება და ყველა მოქალაქისთვის ხელმისაწვდომია, – ამის შესახებ საქართველოს უზენაესი სასამართლოს თავმჯდომარის მოადგილე, მოსამართლე შალვა თადუმაძე აცხადებს.

როგორც თადუმაძე აცხადებს, ვინ აპირებენ მის შემოწმებას, „ხელმოცარული იურისტები და კორუმპირებული პოლიტიკოსები?“

„პოლიტიკურად ანგაჟირებული ფსევდოექსპერტები თუკი წაიკითხავენ, ნათლად დაინახავენ ვადის დაურღვევლად, მაღალი დასაბუთების ხარისხით მიღებულ ჩემს გადაწყვეტილებებში კეთილსინდისიერ და კვალიფიციურ მიდგომებს. რაც შეეხება ჩემს ეკონომიკურ მდგომარეობას, ყველასათვის კარგად არის ცნობილი, რომ მაქვს 23-წლიანი, უწყვეტი იურიდიული პრაქტიკა. აქედან, 12 წელი კერძო სექტორში ვმუშაობდი და მიჩნეული ვიყავი ერთ-ერთ ყველაზე მაღალანაზღაურებად ადვოკატად; ხოლო ბოლო 11 წლის განმავლობაში, დღემდე სახელმწიფო სამსახურში ვმუშაობ ერთ-ერთ ყველაზე მაღალანაზღაურებად თანამდებობებზე.

აქვე, ხაზგასმით აღვნიშნავ, რომ, პოლიტიკური ინტერესიდან გამომდინარე, არასამთავრობო ორგანიზაციების მოთხოვნით, ყოველწლიურად ხორციელდება ჩემი და ჩემი ოჯახის ქონებრივი დეკლარაციის სრულყოფილი მონიტორინგი და დღემდე არსებითი დარღვევა შესაბამის სამსახურს ჩემს დეკლარაციაში არ აღმოუჩენია“, – აცხადებს შალვა თადუმაძე.