ვეტო ყველა შემთხვევაში დაიძლევა, იმიტომ, რომ ვეტოში არაფერი დევს გასათვალისწინებელი,- ამის შესახებ ჟურნალისტებს საპროცედურო საკითხთა და წესების საპარლამენტო კომიტეტის თავმჯდომარე, საპარლამენტო უმრავლესობის წევრმა ირაკლი ქადაგიშვილმა განუცხადა.
მისი თქმით, ერთი სიტყვა არ არის შეცვლილი იმ კანონთან შედარებით, რაც პარლამენტმა მიიღო.
„ბოლო პუნქტია დამატებული, ერთი წინადადება, რომ ეს კანონი ამოქმედებიდან იმოქმედებს მხოლოდ ერთი დღე. მეტი სამართლებრივი შეფასება ამ კანონპროექტს პრეზიდენტმა ვერ მისცა. ეს კიდევ ერთხელ მეტყველებს, რომ კანონპროექტი სამართლებრივად არის გამართული და მაღალი სტანდარტის შესატყვისი.
დანარჩენი, პრეამბულაში, რა თქმა უნდა, წერილში უწერია, რომ რუსულია და ა.შ.“, – აღნიშნა ირაკლი ქადაგიშვილმა.
პრეზიდენტმა სალომე ზურაბიშვილმა „უცხოური გავლენის გამჭვირვალობის შესახებ“ კანონს ვეტო დაადო.
