ვაშინგტონის სამიტზე უკრაინა გაწევრიანების საკითხზე დიდ პროგრესს არ უნდა ელოდოს – დიდი ბრიტანეთის ელჩი ნატოში

31
spot_img

ნატოში დიდი ბრიტანეთის ელჩი დევიდ ქუერი აცხადებს, რომ ვაშინგტონის სამიტზე უკრაინა გაწევრიანების საკითხზე დიდ პროგრესს არ უნდა ელოდოს.

ამის შესახებ მან Politico-სთან ისაუბრა.

ნატოს სამიტი ვაშინგტონში 9-11 ივლისს გაიმართება. მიუხედავად იმისა, რომ ნატოში უკრაინის გაწევრიანების საკითხი განსახილველ თემებს შორის იქნება, დევუდ ქუერი ამბობს, რომ კიევს დიდი მოლოდინი არ უნდა ჰქონდეს.

„არ ველოდები დიდ წინსვლას ამ საკითხზე, რაც დიდწილად გამომდინარეობს ფრონტზე შექმნილი ვითარებიდან. თუმცა დიდი ბრიტანეთი აბსოლუტურად დარწმუნებულია, რომ უკრაინის დამსახურებული ადგილი ნატოშია. საკითხი დგას არა ისე, უნდა მივიღოთ თუ არა უკრაინა, არამედ ისე, თუ როდის მოხდება ეს. ჩვენი ამოცანაა, გავაგრძელოთ უკრაინის მხარდაჭერა, სანამ ის ალიანსს უახლოვდება“, – აღნიშნა ნატოში დიდი ბრიტანეთის ელჩმა.