„ვაგნერის” მებრძოლები რუსეთის თავდაცვის სამინისტროსთან კონტრაქტის გაფორმების შემდგომ უკრაინაში იომებენ

200
spot_img

კერძო სამხედრო კომპანია „ვაგნერის” ყოფილი სამხედროები, რომლებიც ბელარუსში იმყოფებოდნენ, რუსეთის ფედერაციის თავდაცვის სამინისტროსთან კონტრაქტი გააფორმეს და უკრაინის ფრონტის აღმოსავლეთ ნაწილში ბრძოლაში ჩაერთნენ. მათი ნაწილი კი აფრიკაში წავიდა. ამის შესახებ უკრაინის შეიარაღებული ძალების და უსაფრთხოების სამსახურის სპიკერებზე დაყრდნობით უკრაინული მედია წერს.

„კერძო სამხედრო კომპანია „ვაგნერის“ ყოფილი სამხედროები ახლა ნამდვილად იმყოფებიან აღმოსავლეთის ჯარების ჯგუფის ტერიტორიაზე…

ისინი არ წარმოადგენენ ისეთ საფრთხეს, როგორსაც ადრე, ერთი წლის წინ. მათი ლიდერის ევგენი პრიგოჟინის დაკარგვის გამო“, – თქვა უკრაინის აღმოსავლეთის ძალების ჯგუფის სპიკერმა ილია იევლაშმა.

უკრაინის შეიარაღებული ძალების 92-ე ბრიგადის ავიადაზვერვის ოპერატორმა CNN-თან ინტერვიუში განაცხადა, რომ „ვაგნერელები ბახმუტის რაიონში“ დაბრუნდნენ.

„დიახ, „ვაგნერიც“ აქ არის. ისინი დაბრუნდნენ, სწრაფად შეცვალეს მეთაურები და აქ დაბრუნდნენ” – თქვა მან.