ევგენი პრიგოჟინის ადგილსამყოფლის შესახებ ბოლო რამდენიმე საათია ინფორმაცია არ არსებობს. ინფორმაციას ამის შესახებ პრესსამსახური ავრცელებს.
ვაგნერის დაჯგუფების ლიდერთან კონტაქტი რამდენიმე საათია ვერ ხერხდება. მისი ადგილსამყოფლის შესახებ არაფერია ცნობილი. ბოლოს პრიგოჟინი საჯაროდ მაშინ გამოჩნდა, როცა როსტოვს ტოვებდა.
შეგახსენებთ, რომ 23 ივნისის საღამოს ევგენი პრიგოჟინმა თავდაცვის სამინისტრო ვაგნერის პოზიციებზე თავდასხმაში დაადანაშაულა და შეიარაღებული ამბოხი წამოიწყო. პუტინმა დაჯუფების მოქმედებებს ღალატი უწოდა და პრიგოჟინს დასჯით დაემუქრა.
ვითარების დასარეგულირებლად მოლაპარაკებები გაიმართა ბელარუსის პრეზიდენტის, ალექსანდრე ლუკაშენკოს მონაწილეობით. შედეგად, რუსეთის ხელისუფლებამ პირობა დადო, რომ შეაჩერებდა სისხლის სამართლის საქმეს ევგენი პრიგოჟინის წინააღმდეგ და არ დასჯიდა აჯანყების მონაწილეებს.
