,,უცხო ქვეყნის მოქალაქის ქართულ პოლიტიკაში ჩართვა სამართლებრივი საკითხია”- რატი იონათამიშვილი

13
spot_img

მიხეილ სააკაშვილი იქცა კარიკატურად და ის, დღეს ქართულ პოლიტიკაში არის ერთ-ერთი კარიკატურული პერსონაჟი. აღნიშნა საპარლამენტო უმრავლესობის წევრმა, რატი იონათამიშვილმა ექსპრეზიდენტზე, მიხეილ სააკაშვილზე საუბრისას.

როგორც იონათამიშვილი ამბობს, უცხო ქვეყნის მოქალაქის ქართულ პოლიტიკაში ჩართვა სამართლებრივი საკითხია.

„სააკაშვილმა თავისი ნებით დათმო იმ ქვეყნის მოქალაქეობა და პასპორტი, რომლის პრეზიდენტიც იყო. მარტო ეს ფაქტი უნდა იყოს საკმარისი, რომ ის ვეღარ ბედავდეს პოლიტიკაზე საუბარს და ქართულ პოლიტიკაში როლის მორგებას.

ის, რომ უცხო ქვეყნის მოქალაქეს არ შეუძლია ჩვენი ქვეყნის პოლიტიკაში ჩართულობა ეს სამართლებრივი საკითხია, მაგრამ პოლიტიკურადაც რომ ავიღოთ, რაც მეტს ილაპარაკებს სოციალური ქსელებით, მით უკეთესია, რადგან კიდევ უფრო კარგად აჩენს არა მარტო მის საქმეს, არამედ მისი მრევლის საქმეს“, – განაცხადა იონათამიშვილმა.

ინფორმაციისთვის, ექსპრეზიდენტმა მიხეილ სააკაშვილმა განაცხადა, რომ აპირებს სათავეში ჩაუდგეს „ნაციონალური მოძრაობის“ ბორდს და წინასაარჩევნო კამპანიაში მიიღოს მონაწილეობა, ამასთან, სააკაშვილმა თქვა, რომ ის „რჩება უკრაინის ლოიალურ მოქალაქედ“.