უკრიანის მთელ ტერიტორიაზე საჰაერო განგაშია გამოცხადებული

323
spot_img

უკრიანის მთელ ტერიტორიაზე საჰაერო განგაშია გამოცხადებული.

კიევში, ჩერკასში, ხმელნიცკსა და ხარკოვში საჰაერო თავდაცვის სისტემები მუშაობენ.

კიევის საქალაქო სამხედრო ადმინისტრაციის ხელმძღვანელის, სერგეი პოპკოს ინფორმაციით, განადგურებული საჰაერო სამიზნეების ნამსხვრევები გოლოსეევსკისა და დერნიცკის რაიონებში ჩამოვარდა.

შევჩენკოს რაიონში კი ნამსხვრევებით გაზსადენის მილი დაზიანდა. სავარაუდოდ არიან დაშავებულებიც.

უკრაინის საჰაერო ძალებმა გაავრცელა ინფორმაცია, რომ რუსებმა ქვეყნის ტერიტორიას ფრთოსანი რაკეტებით შეუტია და რომ რაკეტების ერთი ჯგუფი კიევის ოლქის მიმართულებით, მეორე კი – დასავლეთის მიმართულებით მიემართებოდა.

ივანო-ფრანკოვსკის, ტერნოპოლის, ლვოვის, რივნესა და ხმელნიცკის ოლქების მოსახლეობას სარაკეტო თავდასხმის საფრთხის შესახებ აფრთხილებენ. რივნეს მოსახლეობას თავშესაფრებში დარჩენისკენ მოუწოდებენ. საჰაერო განგაში გრძელდება უკრაინის საჰაერო დასავლეთ ოლქებსა და ზაპოროჟიეს ოლქშიც.