უკრაინის ეროვნული ანტიკორუფციული ბიუროსა და სპეციალიზებული ანტიკორუფციული პროკურატურის თანამშრომლებმა ერთობლივი ოპერაციის ფარგლებში ქვეყნის უზენაეს სასამართლოში მასშტაბური კორუფციული სქემა გამოაშკარავეს.
კერძოდ, საუბარია უზენაესი სასამართლოს ხელმძღვანელებისა და მოსამართლეების მიერ უკანონო სარგებლის მიღებაზე.
უკრაინის პრეზიდენტის ადმინისტრაციის უფროსის მრჩეველი სერგეი ლეშჩენკო Telegram-ზე წერს, რომ ქრთამის სახით 2,7 მილიონი დოლარის აღების ფაქტზე უზენაესი სასამართლოს ხელმძღვანელი ვსევოლოდ კნიაზევი დააკავეს.
მისი ინფორმაციით, მოსამართლის სახლში საგამოძიებო ქმედებები გრძელდება.
ადგილობრივი დროით 12:00 საათზე უკრაინის ეროვნულ ანტიკორუფციულ ბიუროში საქმესთან დაკავშირებით ბრიფინგი გაიმართება.
