30 ოქტომბერს, უკრაინელი სამხედროები დაწინაურდნენ დონეცკის ოლქის ბახმუტის რაიონში, ასევე ზაპოროჟიეს ოლქის სამხრეთით, – ამის შესახებ RBC-Ukraine ISW-ის ანგარიშზე დაყრდნობით იუწყება.
ISW-ის ექსპერტებმა აღნიშნეს, რომ 30 ოქტომბერს გამოქვეყნებული გეოლოკაციური კადრები აჩვენებს, რომ უკრაინული ჯარები წინ წავიდნენ კურდიუმივკას ჩრდილო-აღმოსავლეთით, რომელიც მდებარეობს ბახმუტიდან სამხრეთ-დასავლეთით 10 კილომეტრში.
29 ოქტომბრის დამატებითი გეოლოკაციის კადრები ასევე აჩვენებს, რომ უკრაინის შეიარაღებული ძალები ოდნავ წინ წავიდნენ რობოტინოს დასავლეთით, ზაპოროჟიეს რეგიონში.
უკრაინის შეიარაღებული ძალების გენერალურმა შტაბმა დაადასტურა, რომ უკრაინის ჯარები აგრძელებენ შეტევით მოქმედებებს ბახმუტის რეგიონში, ასევე მელიტოპოლის მიმართულებით.
