უკრაინის საჰაერო თავდაცვამ რუსების მიერ კიევის მიმართულებით გაშვებული 8 რაკეტა გაანადგურ

39
spot_img

გამთენიისას უკრაინის დედაქალაქ კიევში აფეთქებების ხმა ისმოდა, რის შემდეგაც საჰაერო განგაში გამოცხადდა, – ინფორაციას უკრაინული მედია კიევის საქალაქო-სამხედრო ადმინისტრაციასა და უკრაინის საჰაერო ძალებზე დაყრდნობით ავრცელებს.

მედიის ცნობით, კიევზე რუსეთის საჰაერო იერიშის შედეგად ოთხი ადამიანი დაშავდა, დაზიანდა შენობები. მედია წერს, რომ უკრაინის საჰაერო თავდაცვამ კიევის თავზე გაანადგურა მტრის რვა რაკეტა და 18 „შაჰედის“ ტიპის უპილოტო საფრენი აპარატი.

კიევის მერის, ვიტალი კლიჩკოს თქმით, რაკეტის ფრაგმენტები ჩამოვარდა დარნიცკისა და გოლოსევსკის რაიონებში. მისივე თქმით, ფრაგმენტებმა საცხოვრებელი კორპუსის სახურავი დააზიანა.

ამასთან, ღამის განმავლობაში ავდეევკის მიმართულებით 82 სამხედრო შეტაკება დაფიქსირდა. ბახმუტის მიმართულებით თავდაცვის ძალებმა მოიგერიეს მტრის 11 შეტევა დონეცკის ოლქის გრიგორიევკას, ბოგდანოვკას, ივანოვსკის, კლეშჩეევკასა და ანდრეევკას რაიონებში.