“უკრაინის ქალაქებზე რუსეთის თავდასხმები გახშირდება, ამისთვის მზად უნდა ვიყოთ”- იენს სტოლტენბერგი

40
spot_img

ნატოს გენერალური მდივნის იენს სტოლტენბერგის განცხადებით, რუსეთი უკრაინის ინფრასტრუქტურულ ობიექტებზე შეტევებს გააძლიერებს და ამისთვის მომზადებაა საჭირო. ამის შესახებ მან ბრიუსელში გამართულ პრესკონფერენციაზე განაცხადა.

„ჩვენ, რა თქმა უნდა, განვიხილავთ უკრაინაში არსებულ სიტუაციას. ფრონტის ხაზზე ინტენსიურ საბრძოლო მოქმედებებს ვადევნებთ თვალს და ვხედავთ უკრაინის ქალაქებსა და ინფრასტრუქტურის ობიექტებზე უპილოტო საფრენი აპარატების დარტყმების ტალღებს. ჩვენ უნდა მოვემზადოთ უკრაინის ქალაქებზე მომატებული თავდასხმებისთვის. ამიტომ ძალიან მნიშვნელოვანია, რომ NATO-ს წევრებმა მომავალშიც დაუჭირონ მხარი უკრაინას“, – განაცხადა სტოლტენბერგმა.

შეგახსენებთ, იენს სტოლტენბერგი ბრიუსელში ნატოს საგარეო საქმეთა მინისტრებთან შესახვედრად ჩავიდა.