“უკრაინის ქალაქებზე მასობრივი სარაკეტო თავდასხმა აჩვენებს, რომ პუტინი არ გაჩერდება, ვიდრე მიზანს არ მიაღწევს”

73
spot_img

დიდი ბრიტანეთის პრემიერ-მინისტრი რიში სუნაკი აცხადებს, რომ რუსეთის მიერ უკრაინის ქალაქებზე მასობრივი სარაკეტო თავდასხმა აჩვენებს, რომ ვლადიმერ პუტინი არ გაჩერდება, ვიდრე მიზანს არ მიაღწევს და არ ამოძირკვავს თავისუფლებას და დემოკრატიას.

ამის შესახებ განცხადება რიში სუნაკმა სოციალურ ქსელში გაავრცელა.

„უკრაინის ქალაქებზე ეს მასობრივი თავდასხმები აჩვენებს, რომ პუტინი არაფრის წინაშე არ გაჩერდება, ვიდრე არ მიაღწევს მიზანს და არ ამოძირკვავს თავისუფლებას და დემოკრატიას. ჩვენ მას გამარჯვების უფლებას არ მივცემთ. ჩვენ უნდა გავაგრძელოთ უკრაინის გვერდით დგომა იქამდე, ვიდრე საჭირო იქნება“, – წერს დიდი ბრიტანეთის პრემიერ-მინისტრი.

ცნობისთვის, 29 დეკემბერს რუსეთმა უკრანის ქალაქებზე მასობრივი სარაკეტო იერიში განახორციელა. უკრაინული მხარის ინფორმაციით, რუსეთის სამიზნე გახდა არაერთი ქალაქი, მათ შორის კიევი, ლვოვი, ოდესა. ბოლო ინფორმაციით, დაღუპულია 18 ადამიანი, 132 ადამიანი კი, დაშავდა.