„უკრაინის ნატოში გაწევრიანების წინააღმდეგ არგუმენტები სუსტია“ – კულება

101
spot_img

უკრაინის საგარეო საქმეთა მინისტრის, დმიტრო კულებას განცხადებით, არგუმენტები იმის შესახებ, რომ უკრაინა ნატოში არ უნდა გაწევრიანდეს, სუსტია.

მისივე თქმით, ჩრდილოატლანტიკურ ორგანიზაციაში უკრაინის გაწევრიანება გარდაუვალია.

„უკრაინელები 2014 წელს რუსეთის მიერ ყირიმის ანექსიის შემდეგ სულ უფრო მეტად უჭერენ მხარს ალიანსში გაწევრიანებას და განხეთქილება ამ საკითხთან დაკავშირებით აღარ არსებობს.

უკრაინა უნდა გახდეს ნატოს წევრი და ზედმეტად ფრთხილმა სტრატეგიამ შესაძლოა, მძიმე შედეგები გამოიწვიოს.

რაც შეეხება ნატოში გაწევრიანებასთან დაკავშირებით ჩვენი ქვეყნის წინააღმდეგ გამოთქმულ არგუმენტებს, კარგი ამბავი ის არის, რომ ყოველი ახალი არგუმენტი წინაზე სუსტია. ცუდი ამბავი ის არის, რომ მუდმივად მათი უარყოფა კარგავს ძვირფას დროს ხალხის უსაფრთხოების ხარჯზე. უკრაინას სჭირდება ნატო, ხოლო ნატოს სჭირდება უკრაინა“, – განაცხადა კულებამ.