,,უკრაინელმა დეპუტატებმა 3 მილიონი დოლარის ღირებულების ახალი ავტომობილები შეიძინეს” – UNIAN

271
spot_img

ომის დაწყების შემდეგ უკრაინელმა დეპუტატებმა დაახლოებით 3 მილიონი დოლარის ღირებულების ახალი ავტომობილები შეიძინეს. ამის შესახებ ნათქვამია Bihus.Info-ს მიერ ჩატარებულ ჟურნალისტურ გამოძიებაში, რომლის შესახებაც უკრაინული სააგენტო UNIAN-ი წერს.

მაგალითად, პარტია „მომავლისთვის“ წევრი იგორ მოლოტოკი პარლამენტში 2022 წლის Toyota Land Cruiser 300-ით მივიდა, რომელიც 2022 წლის ბოლოს არის შეძენილი და მესაკუთრედ მითითებულია შპს „ვანტი“, რომლის დამფუძნებლებიც თავად დეპუტატი და მისი ყოფილი თანაშემწე არიან. დეპუტატი აცხადებს, რომ $96 000-იან ავტომობილს იმ კომპანიისგან ქირაობს, რომლის თანადამფუძნებელიცაა.

პარტია „მომავლისთვის“ კიდევ ერთი წევრის, დეპუტატ ალექსანდრ გერეგას კომპანიამ ომის დაწყების შემდეგ Mercedes-Benz-ის მარკის 5 ავტომობილი შეიძინა, რაშიც თითქმის მილიონი დოლარი გადაიხადა. ჟურნალისტური გამოძიებიდან ირკვევა, რომ შპს „ეპიცენტრ კ“-ზე, რომლის თანადამფუძნებელიც ალექსანდრ გერეგაა, 2022 წლის ზაფხულიდან 2023 წლის აპრილამდე შემდეგი ავტომობილებია გაფორმებული: 2022 წლის Mercedes-Benz G63 AMG 2022 ($220 000), 2021 წლის Mercedes-Benz Maybach GLS 600 ($187 000), 2022 წლის Mercedes-Maybach S 680 ($260 000), 2022 წლის Mercedes-Benz V 300D ($120 000), 2023 წლის Mercedes-Benz EQS 580 ($128 000).

დეპუტატების მიერ შეძენილ ავტომობილებს შორისაა Rolls-Royce-ის, Tesla-ს, Range Rover-ისა და სხვა