“უკრაინას მომავალი არ აქვს, ხოლო რუსეთს – აქვს” – პუტინი

46
spot_img

რუსეთის პრეზიდენტის, ვლადიმერ პუტინის თქმით, უკრაინას მომავალი არ აქვს, ხოლო რუსეთს – აქვს. „როიტერის“ ცნობით, ამის შესახებ პუტინმა ჯარისკაცებთან არაფორმალური შეხვედრისას განაცხადა.

„ჩვენი მრეწველობა ვითარდება, ძალას იკრებს. მათ იციან, რომ მარაგი ეწურებათ. არ აქვთ საკუთარი სამრეწველო ბაზა და, როდესაც არ გაქვს საკუთარი ბაზა, იდეოლოგიაც არაა საკუთარი, არც ინდუსტრია, არც ფული. არაფერი არ აქვთ საკუთარი, შესაბამისად, არ აქვთ მომავალი, მაგრამ ჩვენ – გვაქვს“, – აცხადებს პუტინი.

ამასთან, რუსეთის პრეზიდენტი ჯარისკაცებს უკრაინაში რუსული არმიის მოქმედებასა და რუსული სამხედრო მრეწველობის მდგომარეობაზეც ესაუბრა.