უკრაინას კონტრშეტევის გაგრძელების გეგმა აქვს -ზელენსკი

98
spot_img

უკრაინის პრეზიდენტის, ვოლოდიმირ ზელენსკის განცხადებით, უკრაინა კვლავ შეეცდება ბრძოლის ველზე შედეგების მიღწევას წლის ბოლომდე და ის დარწმუნებულია, რომ კიევი, ფრონტზე არსებული სირთულეების მიუხედავად, ომში წარმატებას მიაღწევს.

„ჩვენ გვაქვს გეგმა. გვაქვს ძალიან კონკრეტული ქალაქები, ძალიან კონკრეტული მიმართულებები, საითკენაც წავალთ, სადაც განვახორციელებთ კონტრშეტევას – ყველა დეტალს ვერ გაგიზიარებთ“, – განაცხადა ზელენსკიმ ნიუ-იორკში Reuters NEXT კონფერენციაზე ვიდეო ბმულის საშუალებით ჩართვისას.

მისი თქმით, უკრაინის არმია შეეცდება აჩვენოს შედეგი და მიაღწიოს წარმატებას მიმდინარე წლის ბოლომდე.

„მაგრამ ჩვენ ყოველდღიურად ვკარგავთ ადამიანებს. ეს არ არის შოუ ან ფილმი. ჩვენ უნდა ვეცადოთ, რომ არც ერთი დღე არ დავკარგოთ. დარწმუნებული ვარ, წარმატებას მივაღწევთ, თუმცა ეს რთულია”, – აღნიშნა ზელენსკიმ.