უკრაინამ კახოვკას ჰესის განადგურების შედეგად დაღუპულთა და დაკარგულთა რაოდენობა დაასახელა

91
spot_img

უკრაინის შინაგან საქმეთა მინისტრმა იგორ კლიმენკომ რუსების მიერ კახოვკას ჰიდროელექტროსადგურის აფეთქებისგან გამოწვეული წყალდიდობის შედეგად დაღუპულთა და დაკარგულთა რაოდენობა დაასახელა.

მისი თქმით,, ხერსონისა და ნიკოლაევის ოლქებში 5 ადამიანი დაიღუპა. გარდა ამისა, დაკარგულად ითვლება კიდევ 13 ადამიანი.

კლიმენკომ აღნიშნა, რომ დატბორილია 48 დასახლება, აქედან 34 (3 625 სახლი) უკრაინის მიერ კონტროლირებად ტერიტორიაზე, 14 კი დროებით ოკუპირებულ ტერიტორიაზე.

ჯამში, უკრაინულმა მხარემ დატბორილი რეგიონებიდან 3 000-ზე მეტი ადამიანის ევაკუაცია განახორციელა.