უკრაინაში რუსეთის ფართომასშტაბიანი შეჭრიდან დღემდე უკრაინა ყველაზე მწვავე კრიზისის წინაშე დგას, – ამის შესახებ გერმანული გამოცემა „ბილდის“ მთავარი რედაქტორის მოადგილე პოლ რონცჰაიმერი წერს, რომელიც გასულ კვირას უკრაინაში იმყოფებოდა.
მისი თქმით, მწვავე პოლიტიკური ბრძოლა მიმდინარეობს პრეზიდენტ ზელენსკისა და უკრაინის შეიარაღებული ძალების ყოფილ სარდალ ვალერი ზალუჟნის შორის.
„ზალუჟნისთვის დიდი ხანია ცნობილია, რომ უკრაინა ყველა დაკარგულ ტერიტორიას ვერ დაიბრუნებს და ზელენსკის ამის აღიარებისკენ მოუწოდებს. უკრაინას არ აქვს საკმარისი იარაღი, ცოცხალი ძალა, ტექნოლოგიები და რაც მთავარია, შეერთებული შტატების მხარდაჭერა,“ – ნათქვამია სტატიაში.
