“უკრაინა და აშშ იარაღის ერთობლივ წარმოებაზე შეთანხმდნენ” – ზელენსკი

286
spot_img

უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინა და აშშ იარაღის ერთობლივ წარმოებაზე შეთანხმდნენ. ინფორმაციას ამის შესახებ სააგენტო Reuters-ი ავრცელებს.

ვოლოდიმირ ზელენსკის თქმით, გრძელვადიანი შეთანხმება შექმნის სამუშაო ადგილებს და ახალ ინდუსტრიულ ბაზას უკრაინაში.

“ეს იყო ძალიან მნიშვნელოვანი ვიზიტი [ვაშინგტონში], ძალიან მნიშვნელოვანი შედეგები. და გრძელვადიანი შეთანხმება – ჩვენ ერთად ვიმუშავებთ, რომ უკრაინამ შეერთებულ შტატებთან ერთად აწარმოოს საჭირო იარაღი. თავდაცვის სფეროში ერთობლივი წარმოება შეერთებულ შტატებთან ისტორიული რამ არის”, – განაცხადა უკრაინის პრეზიდენტმა.