აჭარის საავტომობილო გზების დეპარტამენტის ინფორმაციით, უხვმა ნალექმა ქობულეთი-სახალვაშოს მიმართულები პრობლემები შექმნა.
უწყების ცნობით, აღნიშნულ მონაკვეთზე საავტომობილო მოძრაობა არის აკრძალული. მათი ინფორმაციით, ქობულეთის, ხელვაჩაურისა და შუახევის მუნიციპალიტეტში ადგილობრივი მნიშვნელობის საავტომობილო გზებზე დამეწყრილი მონაკვეთების გაწმენდითი სამუშაოები ინტენსიურად მიმდინარეობს.
ძლიერი წვიმის შედეგად ქობულეთში მეწყრული პროცესები განვითარდა. ასევე, ხელვაჩაურში სოფელ ორთაბათუმში მდინარესთან არსებული კოტეჯები დაიტბორა. შემთხვევის შედეგად არავინ დაშავებულა.
