ისრაელი „ჰამასის“ წინააღმდეგ ბრძოლას ალ-შიფას საავადმყოფოს ტერიტორიაზე განაგრძობს. „ცაჰალის“ სამხედროები აცხადებენ, რომ საავადმყოფოების კომპლექსში გვირაბები, დანაღმული ავტომობილი და დიდი ოდენობით იარაღი აღმოაჩინეს.
ისრაელის პრემიერის განცხადებით, დიდია ალბათობა, რომ ტერორისტებს 7 ოქტომბერს გატაცებული მძევლები სწორედ ალ-შიფას საავადმყოფოს მიწისქვეშა გვირაბებში ჰყავდათ. ვრცელდება ცნობა, რომ ოპერაციისას ისრაელელმა სამხედროებმა ერთ-ერთი მძევლის ცხედარი იპოვეს.
ალ-შიფას კომპლექსის პარალელურად, ისრაელი სამხედრო ოპერაციას ალ-შატის ბანაკის ტერიტორიაზე ააქტიურებს. ცახალის ძალები ჰაერიდან, ზღვიდან და ხმელეთიდან კოორდინირებული იერიშების შედეგად „ჰამასის“ ტერორისტების, ინფრასტრუქტურისა და გვირაბების განადგურების შესახებ იუწყებიან.
