“თუ სალომე ზურაბიშვილი გვარამიას შეიწყალებს, გამოდის, რომ ეთანხმება გვარამიას შეფასებას მის მიმართ. მე დიდი იმედი მაქვს, რომ ეს ასე არ მოხდება”, – ამის შესახებ „ქართული ოცნების“ თავმჯდომარემ, ირაკლი კობახიძემ ჟურნალისტებს განუცხადა.
მისივე თქმით, საზოგადოებას ახსოვს, თავის დროზე გვარამია ზურაბიშვილს როგორ მოიხსენიებდა.
„კიდევ ერთხელ გავიმეორებ, გახსოვთ, თავის დროზე როგორ მოიხსენიებდა გვარამია სალომე ზურაბიშვილს, როცა ის საპრეზიდენტო კანდიდატი იყო. ერთი სიტყვა შემიძლია, გავიხსენო, მეორეს უბრალოდ არ გავიხსენებ, ეთიკური მოსაზრებებიდან გამომდინარე. მას უწოდებდა “რეზიდენტს”. თუ სალომე ზურაბიშვილი გვარამიას შეიწყალებს, გამოდის, რომ გვარამიას შეფასებას მის მიმართ ეთანხმება. მე დიდი იმედი მაქვს, რომ ეს ასე არ მოხდება. როგორც ჩანს, პრეზიდენტს გარკვეული წითელი ხაზები აქვს, რაც ძალიან კარგია და იმედია, რომ ეს წითელი ხაზები არ გადაიკვეთება”, – განაცხადა კობახიძემ.
