“შავი კატა ბნელ ოთახში არ არის და სადაც არის მიგასწავლეთ” – ზურაბ ქადაგიძე

spot_img

შავი კატა ბნელ ოთახში არ არის და სადაც არის მიგასწავლეთ, მაგრამ აბა ლომჯარიას რას გაუბედავთ, ეგ ხომ დეგნანის ფრეილინაა და თქვენთვის კი კელი – პატრიარქია, – ასე მიმართავს ტელეკომპანია „პირველს“ „ხალხის ძალის“ წევრი ზურაბ ქადაგიძე სოციალური ქსელის მეშვეობით.

როგორც ქადაგიძე წერს, ტელეკომპანიამ 20 ივნისის აქციაზე განვითარებული მოვლენების შესახებ კითხვები ყოფილ სახალხო დამცველს, ნინო ლომჯარიას უნდა დაუსვას.

„რატომ ეძებთ შავ კატას ბნელ ოთახში? გახარიას რა უნდა ჰკითხოთ, უფრო სანდო წყაროს მიგასწავლით – 20 ივნისის ღამეს, პარლამენტის შენობაში გახარიასთან ერთად იმყოფებოდნენ: სახალხო დამცველი ლომჯარია და მისი მოადგილე…

ჰოდა გახარიას თავისი ცოდვები ეყოფა, გაეშვით, ისედაც ბეჩავია ეგ მელიას ნათრევი და თუ თქვენ რეალური პასუხები გინდათ, მიმართეთ ლომჯარიას – რა უნდოდა 20 ივნისის ღამეს პარლამენტში, ვისთან კონტაქტობდნენ გახარია და სახალხო დამცველი დარბევის მომენტში, რატომ არ აუხსნა საზოგადოებას ლომჯარიამ კულისებში განვითარებული ნიუანსები და ა.შ. ასე რომ შავი კატა ბნელ ოთახში არ არის და სადაც არის მიგასწავლეთ, მაგრამ აბა ლომჯარიას რას გაუბედავთ, ეგ ხომ დეგნანის ფრეილინაა და თქვენთვის კი კელი – პატრიარქია“, – წერს ქადაგიძე.