თუ სალომე ზურაბიშვილი შეიწყალებს ლაზარე გრიგორიადისს, გამოვა, რომ ისიც ამაყი იქნება, ცოცხლად დაწვას პოლიციელი, – ამის შესახებ „ხალხის ძალის“ წევრმა გურამ მაჭარაშვილმა განაცხადა.
„ეს ადამიანი [გრიგორიადისი], როგორც თვითონ თქვა, ამაყობს, რომ პოლიციელს ცოცხლად წვავდა. ვინც მას მხარს უჭერს, ისინიც ამბობენ, რომ არიან ამაყები, ცოცხლად დაწვან პოლიციელი. ეს არის ყველაზე მთავარი ამ საკითხში. თუ თეორიულად ვერაფერს გამოვრიცხავთ, მითუმეტეს ზურაბიშვილისგან, რომ ის გრიგორიადისს შეიწყალებს, ეს ნიშნავს, რომ ზურაბიშვილიც ასევე, ამაყი იქნება, რომ ცოცხლად დაწვას პოლიციელი“, – აღნიშნა მაჭარაშვილმა.
შეიწყალებს თუ არა პრეზიდენტი ლაზარე გრიგორიადისს – კითხვა აქტუალური მას შემდეგ გახდა, რაც გრიგორიადისის ადვოკატები ორბელიანების სასახლეში გრიგორიადისის ადვოკატმა, ლიკა ბითაძემ განაცხადა, თუ ლაზარეს საქმეზე გამამტყუნებელი განაჩენი დადგა, მაგ შემთხვევაში სალომე ზურაბიშვილს მისი შეწყალების შესახებ აუცილებლად მიმართავენ.
