ევროკავშირის უმაღლესი წარმომადგენელი ჯოზეფ ბორელი ისრაელსა და „ჰამასს“ შორის მიმდინარე კონფლიქტს კიდევ ერთხელ გამოეხმაურა და თქვა, რომ კონფლიქტის მოგვარების თაობაზე გადაწყვეტილების მოძებნაში სხვა ქვეყნებიც უნდა ჩაერთონ.
„მჯერა, ამ 30 წლის განმავლობაში ვისწავლეთ, რომ გამოსავალი გარედან უნდა ვიპოვოთ, რადგან ორივე მხარე დამოუკიდებლად ვერასოდეს მიაღწევს შეთანხმებას. თუ ეს ტრაგედია მალე არ დამთავრდება, მთელი ახლო აღმოსავლეთი, შესაძლოა, ცეცხლში აღმოჩნდეს“, – აცხადებს ჯოზეფ ბორელი.
