“თბილისს სჭირდება უფრო დიდი აეროპორტი” – ლაშა ხუციშვილი

98
spot_img

თბილისს სჭირდება უფრო დიდი აეროპორტი. დღის წესრიგში დგას ახალი აეროპორტის მშენებლობასთან დაკავშირებით გადაწყვეტილების მიღების აუცილებლობა, – ამის შესახებ  ფინანსთა მინისტრმა, ლაშა ხუციშვილმა განაცხადა.

მისივე თქმით, ამ მიმართულებით სამუშაო პროცესი გრძელდება.

„ფაქტობრივი გარემოებაა, რომ თბილისს სჭირდება უფრო დიდი აეროპორტი. მნიშვნელოვნად, ძალიან სწრაფი ტემპით იზრდება გადაყვანილ მგზავრთა რაოდენობა. დღეს არსებულ ტერიტორიაზე თბილისის აეროპორტს არ აქვს შესაძლებლობა, იმ მასშტაბის გაფართოება განახორციელოს, რა მასშტაბითაც ქვეყანას სჭირდება. შესაბამისად, დღის წესრიგში დგას ახალი აეროპორტის მშენებლობასთან დაკავშირებით გადაწყვეტილების მიღების აუცილებლობა. ამის შესახებ შესაბამისი ვადებიც არსებობს. ისე არ არის, რომ გადაწყვეტილება დღეს და ხვალ იქნას მიღებული. ამ მიმართულებით მუშაობა გაგრძელდება – უშუალოდ დეტალებთან, კონტრაქტთან დაკავშირებით. ობიექტური მოცემულობაა, რომ თბილისს უფრო დიდი აეროპორტი სჭირდება, რომელსაც ექნება მეტი გამტარიანობა“, – განაცხადა ლაშა ხუციშვილმა.