კახა კალაძეს და თბილისის მერიას შეეძლოთ სატენდერო პირობები ისე დაეწერათ, რომ რუსულ კომპანია „კამაზს“ ტენდერში არ გაემარჯვა – ახლა გამოდის, რომ კალაძე და თბილისის მერია პუტინის ომს უკრაინაში თბილისელების ფულით აფინანსებს, – ასე გამოეხმაურა საკრებულოს ფრაქცია „ერთიანი ნაციონალური მოძრაობის“ თავმჯდომარე, ირაკლი ნადირაძე თბილისის მერიის მიერ გამოცხადებულ ტენდერში რუსულ კომპანია „კამაზის“ გამარჯვებას.
მისივე თქმით, ამის გაკეთება არის ყოვლად მიუღებელი იმ სახელმწიფოს მხრიდან, რომლის 20 პროცენტი არის ოკუპირებული.
„კახა კალაძეს და თბილისის მერიას შეეძლოთ სატენდერო პირობები ისე დაეწერათ, რომ რუსული კომპანია „კამაზს“ ტენდერში არ გაემარჯვა და მათთვის რამდენიმე მილიონი ლარი არ გადაერიცხა, რადგან ეს ფული, ფაქტობრივად, უკრაინაში რუსეთის ომის დასაფინანსებლად მიდის. „კამაზი“, სამოქალაქო ტრანსპორტის გარდა, ასევე სამხედრო ტექნიკას აწარმოებს, ეს არის ტექნიკა, რომლითაც სხვადასხვა რაკეტები, ჭურვები, აღჭურვილობა გადააქვთ და ამის გაკეთება არის ყოვლად მიუღებელი, იმ სახელმწიფოს მხრიდან, რომლის 20 პროცენტი არის ოკუპირებული და შესაბამისად, ეს ნიშნავს იმას, რომ კახა კალაძე და თბილისი მერია პირდაპირ თბილისელების ფულით პუტინის ომს აფინანსებს,“ – განაცხადა ნადირაძემ.
აღნიშნულ ინფორმაციას “ნაციონალური მოძრაობა” ავრცელებს.
