” სუს-ის ანგარიშში მოყვანილი ფაქტები და ანალიზი ზუსტია, თუმცა გეგონება „ქართული ოცნების“ ოფისში დაწერეს”

157
spot_img

გულდასაწყვეტია, რომ ანგარიში, რომელიც სახელმწიფო უსაფრთხოების ანგარიშია, გეგონება „ქართული ოცნების“ ოფისში დაწერეს, – ამის შესახებ „მოქალაქეების“ ლიდერმა, ალეკო ელისაშვილმა სუს-ის ანგარიშის კომენტირებისას აღნიშნა.

ელისაშვილის თქმით, დოკუმენტი „ქართული ოცნების“ მხარდასაჭერს ჰგავს, ვიდრე უსაფრთხოების სამსახურისას.

„ცხინვალსა და სოხუმზე სახელმწიფო უსაფრთხოების სამსახურის ანგარიში მეტ-ნაკლებად ადეკვატურია, მასში მოყვანილი ფაქტები და ანალიზიც სწორი და ზუსტია, თუმცა გულდასაწყვეტია, რომ ანგარიში, რომელიც სახელმწიფო უსაფრთხოების ანგარიშია, გეგონება „ქართული ოცნების“ ოფისში დაწერეს. ზუსტი სახელმწიფოებრივი მიდგომა და ხედვა კი არ არის, არამედ არის „ქართული ოცნების“ ნარატივის ჩაკვეხება, თან ზოგ შემთხვევაში – უადგილოდ. რატომ აკეთებენ ამას, ვის მოსწონს ეს? ეს დოკუმენტი „ქართული ოცნების“ მხარდასაჭერს ჰგავს, ვიდრე უსაფრთხოების სამსახურისას. ოკუპირებულ ტერიტორიებთან დაკავშირებით ფაქტები სწორად არის დალაგებული, პროფესიონალის ხელი ეტყობა, მაგრამ არა – სახელმწიფო ჩინოვნიკების“, – განაცხადა ელისაშვილმა.