ჯანდაცვის მსოფლიო ორგანიზაცია აცხადებს, რომ სუდანის დედაქალაქ ხართუმში კონფლიქტის შედეგად ლაბორატორიის შენობის დაკავება ბიოლოგიურ საფრთხეს აჩენს, – ინფორმაციას BBC ავრცელებს და წერს, რომ
ამ ეტაპზე გაურკვეველია, ვის აქვს დაკავებული საზოგადოებრივი ჯანდაცვის ეროვნული ლაბორატორია.
არსებული ინფორმაციით, ლაბორატორიაში ჯანმრთელობისთვის სახიფათო ბიოლოგიური და ქიმიური მასალები ინახება. შენობას არ მიეწოდება ელექტროენერგია, რაც ლაბორატორიაში არსებულ მასალას საფრთხეს უქმნის, გარდა ამისა, შესაძლოა, ლაბორატორიაში შენახული სისხლის პაკეტები გაფუჭდეს.
