პრემიერ-მინისტრმა, ირაკლი ღარიბაშვილმა განაცხადა, რომ მიხეილ სააკაშვილის ოჯახმა მილიონობით დოლარი დახარჯა იმისთვის, რომ ჩვენი ქვეყნის რეპუტაცია, იმიჯი დაეზიანებინათ.
„სააკაშვილმა და მისმა დედამ ლობისტები დაიქირავეს და ოფიციალურად გადაიხადეს მილიონი დოლარი მხოლოდ ერთ კომპანიაში, რომ აღვირახსნილი, ანტისახელმწიფოებრივი კამპანია ეწარმოებინათ, რომ თითქოს ჩვენ სააკაშვილი მოვწამლეთ, ვაწამეთ და ვკლავთ. მთელი ეს სიბინძურე დასრულდა სტრასბურგის ერთი ძალიან ძლიერი გადაწყვეტილებით – რომ საქართველოს მთავრობა ყველა პატიმარს და მათ შორის სააკაშვილს ევროპული სტანდარტების შესაბამისად ეპყრობა“, – აღნიშნა ირაკლი ღარიბაშვილმა.
